Ахматбек Келдибековдун иши боюнча соттук отурумга Аида Салянова менен Өмүрбек Текебаевдин келбегенине судья нааразы болду

Бүгүн, 21-январда А.Келдибековдун иши боюнча соттук отурумда парламенттин азыркы жана мурунку чакырылышындагы депутаттар сурак берип жатышат. Айрым эл өкүлдөрү келбей, алардын ордуна башка күбөлөр чакырылууда. Ага судья Ирина Воронцова нааразычылыгын билдирди. "Күбөлөрдүн тизмесиндегилер келбей жатышат, А.Салянова, Ө.Текебаев келмек, бирок алардын ордуна башка депутаттар келишүүдө" деп 5 мүнөттүк тыныгуу жарыялады.

Тыныгуудан кийин соттук отурумга күбө катары кирген Талант Мамытов: "Ал кезде Москвада биздин өлкөдөн барган эмгек мигранттарынын саны арбын болчу. Алар тарабынан көптөгөн кайрылуулар келчү. Москвадан татыктуу жашоону, тиешелүү социалдык кызматтарды алууну өтүнүшкөн. ЖКнын Москвадагы өкүлчүлүгүнүн ачылышы менен ал маселелер чечилмек",- деди.

Анын айтымында, өкүлчүлүктүн ачылышы боюнча маселе партия лидерлери тарабынан жабык режимде талкууланган.

Прокурор Талант Мамытовго тергөө амалдарында башканы айтып, азыр башка нерселерди айтып жатканын баса белгилеп: "Сиз жоопкерчиликке тартылышыңыз мүмкүн. Муну жакшы билесиз",- деди. Буга депутат: "Мен бардык нерсени эсимде сактай албайм. Сот мен азыр, ушул жерде айтып жаткан нерселерге ишениши керек!"- деп жооп кайтарды.

"Өкүлчүлүктүн ачылышы боюнча добуш берүү күнү Феликс Кулов биз муну талкуулаганбыз деп, электр жарыгы жок болуп, компьютерлер иштебей жаткандыгынан улам кол көтөрүү менен добуш берүүгө чакырган. Биз кол көтөрүү менен добуш бердик. Бул долбоордун токтому депутаттарга таратылып берилген. Ал материалсыз төрага жана депутаттар кантип добуш бермек эле? Ооба, парламент идеалдуу иш алып барган жок, бирок прокуратура бул тууралуу эч кандай билдирүү кылган эмес. Бир жылдан кийин, 2011-жылы токтом токтотулган, бирок мен анда катышкан эмесмин",- деди Т.Мамытов.

Автор: Мальвина Уметбекова

12:36 21-01-2016

Жазылуу

РУБРИКАДАГЫ СОҢКУ КАБАРЛАР

13:41 2025-06-20 | Түркүн дүйнө

ChatGPT аркылуу дипломдук ишин бүтүрүп мактанган студент талкууда 182 0

13:17 2025-06-20 | Коом жана турмуш

Агартуу жана Билим берүү министри Петербург эл аралык экономикалык форумуна катышты 100 0

13:11 2025-06-20 | Супер-Инфо

Тамада бычакталып каза тапты. Чырга эмне себеп болгон? 369 0

12:38 2025-06-20 | Коом жана турмуш

Замандын талабындагы китептер: Кызыгуу, тандоо жана тренд 1938 0

12:08 2025-06-20 | Түркүн дүйнө

Адам курмандыгы бар... Казакстандын Павлодар облусунда катуу бороон болду (видео) 813 0

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 231 0

Архив

Комментарийлер (2)

STAN_KG

2016-01-21 13:14:58

Келдибековду күнөөсүз эле жаманатты кылып жатканына түшүнө албай келем! Анткени ЖКнын Москвадагы өкүлчүлгүн Мамытов деген депутат сунуш кылса, спикер аны добушка койгон! Көпчүлүк депутаттардын колдоосу менен өткөн! Негизи ар бир депутаттын сунушун же иштеп чыккан мыйзамдарын добушка спикер койгонго милдеттүү! өзү каласа койуп, каалаа алып сала албайт! Анда эмне үчүн башка спикерлердин иши каралбайт? Соттордун логикасы кандай?

Polat

2016-01-21 13:18:30

Эн башкысы барбай калган депутаттардын ордуна башка куболор чакырылып жатпайбы.
.

Комментарий калтыруу үчүн өз ысымыңыз менен кириңиз же каттоодон өтүңүз.