Аламүдүн районунда жол кырсыгы катталып, 3 адам жабыркады

Аламүдүн районуна караштуу Лебединовка айылында жол кырсыгы катталып, 3 адам жабыркады. Бул тууралуу бүгүн, 26-январда Чүй облустук ички иштер башкы башкармалыгынан билдиришти.

Маалыматка ылайык, жол кырсыгы кечээ саат 16:45 чамасында болгон. Анда Фольксваген Пассат үлгүсүндөгү унаанын айдоочусу рулду башкара албай жолдун четине чыгып кетип, унаа аңтарылып калган. Натыйжада унаанын 36, 26 жана 8 жаштагы жүргүнчүлөрү ар түрдүү жаракаттарды алып, Чүй облустук ооруканасына жеткирилишкен. Учурда унаа айып пул төлөөчү жайга токтотулуп, тиешелүү экспертизалар дайындалды.

Автор: Мальвина Уметбекова