Өткөн жылы кош бойлуулук жана төрөт боюнча жөлөк пул эң көп Жумгал районунун тургундарына төлөнгөн

Эмгек жана социалдык өнүктүрүү министри Кудайберген Базарбаев Нарын облусунун Жумгал районунун Өрнөк айылынын тургундары менен жолугушту. Жолугушууда тоолуу жана жетүү кыйын болгон аймактарда кыйын шартта жашаган жарандарга каралган жеңилдиктер тууралуу сөз болду.

"Биз Жумгалдын 6 миңден ашуун тургунуна жардам берип келебиз. Бул район учурда аз камсыз болгон балдарга каралган жөлөк пулдун саны боюнча алдыда турат. Орто эсеп менен 1 балага 1073 сом чыгат. Жалпысынан мамлекеттен жардам алган балдардын саны 4199ду түзөт. Өткөн жылы аларга 47 миллион сомдон ашык каражат бөлүп бергенбиз. Ошондой эле Жумгал району кош бойлуулук жана төрөт боюнча жөлөк пул алууда алдынкы сапка чыкты. Бизге өткөн жылы 731 кайрылуу түшкөн. Ал эми орточо төлөм 8300 сомду түзөт",- дейт министр.

Автор: Максат Кудайбердиев
Фото: Эмгек жана социалдык өнүктүрүү министрлиги