Бишкек шаарында тоноочулукка шектелип эки жаран кармалды

Бишкек шаарында тоноочулукка шектелип 2 жаран кармалды. Бул тууралуу бүгүн, 8-февралда Бишкек ШИИББинен билдиришти.

Маалыматка ылайык, милицияга арыз менен 41 жаштагы Ш.Урматбек кайрылган. Анда ал 30-35 жаштар чамасындагы белгисиз жарандар Чүй жана Кулиев көчөлөрүнүн кесилишинен күч колдонуу менен уюлдук телефонун тартып алышканын айткан. Ленин райондук ички иштер башкармалыгынын кызматкерлери тарабынан кылмышка шектүү катары Жалал-Абад облусунун 28 жаштагы К.Азамат жана Ысык-Көл облусунун 26 жаштагы Н.Болотбек аттуу тургундары кармалган. Учурда бул фактылар боюнча иликтөө иштери жүрүүдө.

Автор: Мальвина Уметбекова