Бишкекте өткөн жылдан бери дайынсыз болуп жаткан Изат Атаев изделүүдө

Бишкек шаарынын Ленин райондук ички иштер башкармалыгы тарабынан өткөн жылдан бери дайынсыз болуп жүргөн Изат Атаев изделүүдө. Бул тууралуу бүгүн, 12-февралда Ички иштер министрлигинен билдиришти.

Маалыматка ылайык, 23 жаштагы Изат Атаев 2015-жылдын 29-июлунда үйүнөн чыгып кеткен бойдон кайтып келген эмес. Белгилүү болгондой, ал мурда да дайынсыз жоголуп кетип, кийин тиешелүү кызматтын кызматкерлери тарабынан табылган, бирок көп өтпөй кайра жоголуп кеткен.

Белгилери: бою 170 сантиметр, дене түзүлүшү арык чырай, чачы кара, көзү күрөң.

Эгерде Изат Атаевди көрүп-билгендер болсо, (0312) 26-63-17, 26-62-61, (0553) 75-85-75, (0701) 75-85-75 телефон номурлары аркылуу кабарлап койсоңуздар.

Автор: Мальвина Уметбекова