Ош облусунун тургуну 1 килограммдан ашуун баңгизат менен кармалды (фото)

1 килограммдан ашык баңгизат менен Ош облусунун тургуну кармалды. Муну 15-февралда
Баңгизаттарды көзөмөлдөө боюнча мамлекеттик кызматтын басма сөз кызматынан билдиришти.

Маалыматка караганда, 14-февраль күнү аталган кызматтын Ош шаарында болгон ыкчам издөө иши учурунда Ош облусунун 40 жаштагы Т.Д. аттуу тургунуна тийиштүү Дэу Тико унаасын токтотушкан.
Текшерүүнүн жүрүшүндө унаанын алдынкы отургучунан каралжын-күрөң түстөгү зат табылган. Затты эксперттик-криминалисттик бөлүмгө аныктоого жөнөткөн. Жыйынтыгында болжол менен 60 миң сомду түзгөн 1 килограмм 35 грамм гашиш заты экени аныкталган. Бул факт боюнча "мыйзамсыз түрдө баңгизатты даярдоо, сактоо, таркатуу жана аны сатууга даярдоо" беренеси менен кылмыш иши козголуп, тергөө жүрүүдө.

Автор: Алина Токтакунова