"Таласта жашы жете элек өспүрүмдү тоногон" деп шектелген жаран Бишкек шаарынан кармалды

"Таласта жашы жете элек өспүрүмдү тоногон" деп шектелген жаран Бишкек шаарынан кармалды. Бул тууралуу бүгүн, 16-февралда Ички иштер министрлигинен билдиришти.

Маалыматка ылайык, милицияга арыз менен 54 жаштагы У.Ж. аттуу жаран кайрылган. Ал Таластагы борбордук көчөлөрдүн биринен белгисиз адам анын жашы жете элек баласына күч колдонуу менен уюлдук телефонун алып кеткенин айткан. Жүргүзүлгөн иликтөө иштеринин алкагында кылмышка шектүү катары 20 жаштагы жигит борбор калаадан кармалды. Учурда бул факт боюнча иликтөө иштери жүрүүдө.

Автор: Мальвина Уметбекова