Бишкекте "күч колдонуу менен тоногон" деген шек менен 20 жаштагы шаар тургуну кармалды

Бишкекте "күч колдонуу менен тоногон" деген шек менен 20 жаштагы шаар тургуну кармалды. Бул тууралуу бүгүн, 25-февралда Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 19 жаштагы Т.Т. кайрылган. Анда ал белгисиз адам
И.Ахунбаев көчөсүнөн түнкү саат 00:30 чамасында күч колдонуу менен уюлдук телефонун тартып алганын билдирген. Жүргүзүлгөн иликтөө иштеринин алкагында кылмышка шектүү катары 20 жаштагы У.О. аттуу шаар тургуну кармалган. Учурда иликтөө иштери жүрүүдө.

Автор: Мальвина Уметбекова