ЭЛДИК КАБАР: Базар-Коргон районунун Чкалов айылынын тургундары "Сармерден" уюштурушту

Кечээ, 28-февралда Жалал-Абад облусуна караштуу Базар-Коргон районунун Чкалов айылында Тарых жана маданият жылына карата чакан иш-чара болуп өттү. Бул тууралуу окурман WhatsApp аркылуу SUPER.KG порталына кабарлады.

"Чкалов айылынын тургундары эки топко бөлүнүп "Сармерден" уюштурушуп, элди ынтымакка чакырып, кызыктуу кече өткөрүштү. Улуу-кичүү чогула кыргыздын каада-салтын даңазалап, комуздун, аккордеондун коштоолорунда жандуу үн менен ырдашты. Кыргыздын улуттук бийи аткарылып, эстен кеткис эски кайрыктар жаңырып, накыл сөздөр, макал-лакаптар, жаңылмачтар, табышмактар айтылып, иш-чара шаңдуу өтүп жатты. Энелерибиз ак элечек, ата-агаларыбыз ак калпак кийип, айтор, көрүүчүлөрүбүз да улуттук кийимчен келишкен. Коноктор ыраазы болуп, кубануу менен кайтышты",- дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.