Бишкектеги базарлардын биринен 10 миң сомдук кийим-кече уурдоого шектелип 40 жаштагы аял кармалды

Бишкектеги базарлардын биринен 10 миң сомдук кийим-кече уурдоого шектелип 40 жаштагы аял кармалды. Бул тууралуу Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 33 жаштагы В.Ю. аттуу жаран кайрылган. Ал 28-февраль күнү саат 15:00 чамасында "Дордой" базарындагы контейнеринен белгисиз адам жалпы суммасы 10 миң сомду түзгөн кийим-кечелерди уурдап кеткенин билдирген. Жүргүзүлгөн иликтөө иштеринин алкагында Свердлов РИИБинин кызматкерлери тарабынан кылмышка шектүү катары 40 жаштагы А.Э. аттуу аял кармалган. Учурда бул факт боюнча иликтөө иштери жүрүүдө.

Автор: Мальвина Уметбекова