2 жыл ичинде Бишкек шаарындагы ирригациялык тутумдардагы каналдар алмаштырылат

Учурда Бишкек шаарында "Бишкек асфальтсервис" муниципалдык ишканасы ирригациялык тутумдагы жаңы каналдарды орнотуп жатат. Бул тууралуу Бишкек шаардык мэриясынан билдиришти.

Эски ирригациялык каналдарды алмаштыруу жаз-жай мезгилине даярдык көрүү жана шаарды көрктөндүрүүнүн алкагында ишке ашып жатат. Бүгүнкү күндө Чүй кең көчөсүндөгү Панфилов көчөсүнөн Манас кең көчөсүнө чейинки аймактагы каналдар алмаштырылууда. Андан соң "Бишкек асфальтсервис" Манас кең көчөсүнөн Фучик көчөсүнө чейинки аймактагы ирригациялык каналдарды алмаштырууну пландоодо. Эки жылдын ичинде Бишкек мэриясы шаардын ирригациялык тутумунун бардык каналдарын алмаштырат.

Автор: Үмүт Абдраимова
Фото: Бишкек шаардык мэриясы