Бишкек шаарында тоноочулук фактысына шектелип 3 жаран кармалды

Бишкек шаарында тоноочулук фактысына шектелип 3 жаран кармалды. Бул тууралуу бүгүн, 7-мартта Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 27 жаштагы Т.А. аттуу жаран кайрылган. Анда ал 5-март күнү саат 13:00 чамасында "Ош базарынын" жанынан белгисиз адамдар күч колдонуу менен 5 миң сом акчасын тартып алганын билдирген. Жүргүзүлгөн иликтөө иштеринин алкагында кылмышка шектүү катары 36 жаштагы О.Ч., 25 жаштагы Б.А. жана 28 жаштагы А.В. аттуу жарандар кармалган. Учурда иликтөө иштери жүрүүдө.

Автор: Мальвина Уметбекова