Казак теңгеси дизайн жана коргоо белгилеринин сапаты боюнча дүйнөдөгү улуттук валюталардын тизмесинде 1-орунду ээледи

Британиялык "The Telegraph" ири басылмасы улуттук валюталардын ичинен дизайн жана коргоо белгилерин карап чыгып, эң кооз валютаны аныктады. Тизмеде 1-орунду Казакстандын улуттук валютасы ээледи. Тактап айтканда, 10 миң теңгесинин жасалгасы жана коргоо белгилери мыкты деп табылды. Бул тууралуу казакстандык басылмалар жазып чыгышты.

Маалыматка ылайык, 2013-жылдан тарта колдонулуп келе жаткан 10 миң теңгенин бир бетинде тоо жана ак илбирстин элеси түшүрүлгөн. Экинчи жагында улуу чыгыш ойчулу Аль-Фарабинин сүрөтү бар.

Автор: Максат Кудайбердиев