Кыргызстанга жер семирткич чыгаруучу завод куруу боюнча Кытай тарап менен сүйлөшүү жүрүүдө

Айыл чарба жана мелиорация министри Чыңгысбек Узакбаевдин маалыматына таянсак, учурда Кыргызстан менен Кытай өлкөсү жер семирткич чыгаруучу завод куруу жөнүндө сүйлөшүүдө. 25-мартта маалымат жыйынын өткөргөн министр аталган ишкананын курулушунун өйдө-ылдыйы тууралуу айтып берди. “Долбоордун бюджети 350-380 миллион долларды түзөт. Эгерде 2 тарап келишип калса, анда кытай инвесторлору быйыл курулуш ишин баштоого даяр”,- деди ал. Жазгы талаа иштерине карата азоттуу жер семирткич Кыргызстанда жетишсиз болуп жатканы да айтылды. Башкача айтканда, өлкө боюнча 200 миң тонна аталган каражаттын учурда 30 миң тоннасы гана бар.

Автор: Ширин Жумадилова