"Пара менен кармалып жатканда каза болду" делген Гапаровдун уулу: "Ал ишке катыштыгы бар кызматкерлер азыр өздөрүн актоо үчүн чуркап жүргөндөрүн билем"

"Атамдын өлүмү боюнча жоопко тартылып жаткан УКМКнын кызматкерлерине бир эмес, бир нече кылмыш иши козголушу керек". Бул тууралуу "пара менен кармалып жатканда каза болду" делген Абдыкерим Гапаровдун уулу Адылбек Гапаров SUPER.KG'ге билдирди.

"Атам А.Гапаровдун өлүмү боюнча жоопко тартылып жаткан УКМКнын кызматкерлерине карата "кызматтык ыйгарым укуктардан аша чабуу" беренеси менен иш козголгонун интернет булактарынан окудум. Бирок ал жерде бир гана ошол берене менен эмес, бир нече берене менен кылмыш иши козголушу керек болчу. Ал жерде көптөгөн мыйзам бузуулар болгон. Соттук-медициналык экспертизанын жыйынтыгына ылайык, атамдын денесинен көк ала тактар табылган. Ал ишке катыштыгы бар кызматкерлер азыр өздөрүн актоо үчүн чуркап жүргөндөрүн билем. Эгер менин атам чынында эле пара алган болсо, алардын далилдери болушу керек. Далил жок болсо, аман-эсен жүргөн адамды өлүмгө жеткиргендер жоопко тартылышы керек", - деди А.Гапаров.

Айта кетсек, 25-февралда УКМКнын Коррупцияга каршы кызматы "Кыргыз мамлекеттик медициналык академиясынын кызматкери Абдыкерим Гапаров 30 миң сом пара алып жаткан жеринен жүрөгү токтоп калып каза болгон" деп билдирген.

Автор: Мальвина Уметбекова

14:04 13-03-2016

Жазылуу

РУБРИКАДАГЫ СОҢКУ КАБАРЛАР

13:35 2025-05-19 | Коом жана турмуш

“Улуттук инвестициялык фондуна” жаңы жетекчи дайындалды 34 0

12:44 2025-05-19 | Саясат

Бишкекте бир нече өлкөнүн парламент төрагалары чөлкөмдөгү коопсуздукту талкуулашты 151 0

12:33 2025-05-19 | Саясат

Комитет жыйынында бийик тоолуу аймактардагы калктуу конуштар боюнча токтом долбоору каралды 196 0

12:13 2025-05-19 | Коом жана турмуш

Айыл чарба продукциясын экспорттоого көмөктөшүү үчүн штаб түзүлдү 193 0

11:35 2025-05-19 | Коом жана турмуш

Бишкек-Ош унаа жолундагы чуңкурлар жамалууда 327 0

11:15 2025-05-19 | Саясаттагы соттук иштер

Жогорку сот Сапар Исаковдун иши боюнча комментарий берди 1363 0

Архив

Комментарийлер (8)

AiBoru

2016-03-13 15:06:47

Адам олтуруу боюнча да кылмыш иши козголуш керек болчу. Сопсоо жумуш ордунда отурган кишини кок ала кылып олтургон кудай да жазаласын, сот да оз жазасын берсин.

+11

Munar8625

2016-03-13 15:09:51

Темир сариев ордуна башка бироону койдуда озунун тууганыдан, бизди булар чадыбар кылат.

Rifle_3

2016-03-13 15:51:37

Ошондо эмне бир креслону бошотуу үчүн отурган кишини өлтүрүш керекпи ?
Же подстава кылып бошотуш керекпи ?

Sagidko88

2016-03-13 16:30:52

журогум ооруйт ушул окуядан... бейиши болсун!

lolo.1

2016-03-13 16:49:52

Адылбек байке сизге сабырдуулук каалайм,жениш сиз жакта болсун ылайым

makemake1979

2016-03-13 17:17:49

Ыйманы саламат болсун кудай кечире кор бирдеме болбосо чоптун башы кыймылдабайт иш кылган да

makemake1979

2016-03-13 17:21:11

Уят атамын кылганын мен кылбайм дегендин ордуна

-8

Aylin.91kg

2016-03-13 22:16:54

makemake1979, Анда чондордун балдары баары айтышсын... Мамлекетти тоноп жаткандар айтсын.. Бечараларга гана кучубуз жете бизде абдан аяычтуу

Комментарий калтыруу үчүн өз ысымыңыз менен кириңиз же каттоодон өтүңүз.