Ошто тоноочулук фактысына шектелип жергиликтүү тургун кармалды

Ош шаарында тоноо фактысына шектелип жергиликтүү тургун кармалды. Бул тууралу бүгүн, 14-мартта Ош ШИИБинин басма сөз кызматынан билдиришти.

Маалым болгондой, милицияга арыз менен Ош шаарынын 30 жаштагы тургуну кайрылган. Ал Масалиев көчөсүндө жайгашкан соода борборунан белгисиз адам 10 500 сомго бааланган 3 көйнөгүн тартып алганын билдирген. Иликтөө иштеринин алкагында кылмышка шектүү катары Ош шаарынын 32 жаштагы А.Каримов аттуу тургуну кармалып, убактылуу кармоочу жайга киргизилди. Учурда иликтөө иштери жүрүүдө.

Автор: Алина Токтакунова