Чүйдө "айылдашын таш менен уруп, бир көзүн көр кылып койгон" деген шек менен кармалган жаран 6 жылга камалды

Чүйдө "айылдашын таш менен уруп, бир көзүн көр кылып койгон" деген шек менен кармалган жаран 6 жылга камалды. Бул тууралуу 15-мартта Чүй ОИИББинин басма сөз кызматынан кабарлашты.

Маалым болгондой, 2015-жылдын 4-июлунда саат 22:00 чамасында 31 жаштагы М.К. аттуу жаран мас абалында Жайыл районунун Кара-Суу айылында жайгашкан дүкөндүн жанынан айылдашы Ш.Д. менен уруша кеткен. Урушуп жатып М.К. таш менен досунун оң көзүнө уруп жиберген. Натыйжада жабырлануучу оң көзүнүн көрүүсүнөн ажыраган.

Бул факт боюнча “саламаттыкка атайылап оор залал келтирүү” беренеси менен кылмыш иши козголуп, шектүү катары М.К. атуу жаран кармалган. 2015-жылдын 14-октябрында Жайыл райондук сотунун өкүмү менен кылмышка шектүү жаран күнөөлүү деп табылып, 6 жылга эркинен ажыратылган. Кылмыш-жаза кодексинин шарттуу соттоо негизинде жаза өтөөсү шарттуу деп эсептелип, эки жыл сынак мөөнөтү белгиленген. Өкүмгө макул болбогон жабырлануучунун жактоочусу кассациялык арызы менен Чүй облустук сотуна кайрылган.

2016-жылдын 3-февралында Чүй облусунун соттук коллегиясы иштин жагдайларын карап, тараптардын ой-пикирлерин угуп, Жайыл райондук сотунун өкүмүн бузуп, "жазык иши ошол эле сотко жаңыдан кароого жөнөтүлсүн" деп аныктаган.

Автор: Алина Токтакунова