Бишкектин көчөлөрүндөгү талапка жооп бербеген 20 даана көрнөк-жарнак алынды

Борбор шаардагы “Тазалык” ишканасынын, Ленин жана Биринчи Май райондук администрацияларынын кызматкерлеринин көмөгү менен Бишкек шаарынын көчөлөрүндөгү эскирген жана талапка жооп бербеген 20 даана көрнөк-жарнак алынды. Мэриянын басма сөз кызматы билдиргендей, рейд Токтогул, Москва, Акиев, Бөкөнбаев, Чүй көчөлөрүндө жүргүзүлдү. Мындай иш-чаралар мэриянын “Бишкек шаарынын көркөм-эстетикалык көрүнүшүн жакшыртуу чаралары” токтомунун негизинде уюштурулууда.

Автор: Ширин Жумадилова