Сокулукта эки жарандын ортосунда уруш чыгып, бири бычактан алган жаракаттарынан улам каза болду

Сокулук районунда эки жарандын ортосунда уруш чыгып, бири бычактан алган жаракаттарынан улам каза болду. Бул тууралуу Чүй ОИИББинин басма сөз кызматынан билдиришти.

Маалым болгондой, 13-март күнү саат 23:30 чамасында Бишкек шаарынын №1-ооруканасына бир нече бычак жаракаттары менен 21 жаштагы Ж.Н. аттуу Сокулук районунун тургуну келип түшкөн. Оор жаракаттардан улам ал каза болуп калган.

Жүргүзүлгөн ыкчам иликтөө иштеринин алкагында кылмышка шектүү катары Учкун айылынын 19 жаштагы Н.Э. аттуу тургуну кармалган. Учурда кылмышка шектүү да бычактан алган жаракаттарынан Сокулук районунун аймактык ооруканасында жатат. Териштирүү иштеринин алкагында эки жаран уруштан улам бычакташып кеткени аныкталган. Учурда иликтөө иштери жүрүүдө.

Автор: Алина Токтакунова