Бишкекте 7-апрель революциясын эскерүү курултайы өттү (фоторепортаж)

Бүгүн, 17-мартта Бишкекте 7-апрель революциясын эскерүү курултайы болуп өттү. Курултайга "Апрель байрагы", "Мекен шейиттери", "Айкөл Ала-Тоо", "Элдик кайрат" коомдук бирикмелеринин мүчөлөрү, Аксы окуясында каза болгондордун ата-энелери, Талас жана Нарын облустарынын тургундары катышты.

Иш-чаранын жүрүшүндө Апрель революциясына арналган видеотүрмөк көрсөтүлүп, ар бир коомдук бирикменин өкүлдөрү өткөндү эскерип, учурдагы абал тууралуу кеп козгошту. Курултайдын уюштуруучусу "Айкөл Ала-Тоо" бирикмесинин башчысынын орун басары Амантур Жамгырчиевдин айтымында, бүгүн 7 пункттан турган резолюция кабыл алынып, документ президент Алмазбек Атамбаевге, өкмөткө жана Жогорку Кеңештин төрагасына жөнөтүлдү.

"Эскерүү курултайын быйыл экинчи ирет өткөрүп жатабыз. Биздин максат Апрель баатырларын дагы бир жолу эскерүү, Апрель революциясы боюнча соттук иштердин аягына чыгышын талап кылуу, Бакиевдерди экстрадиция кылуу болуп саналат",- деди уюштуруучу.

Иш-чаранын алкагында 7-апрель революциясынын баатырларынын эстелигине гүл коюлуп, куран окулду.

Автор: Наргиза Бекжанова
Фото: Наргиза Бекжанова

15:23 17-03-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (8)

Kasha03

2016-03-17 15:39:11

Баатырларыбыздын жаткан жери жайлуу, топурагы торко болсун

X-peria

2016-03-17 15:58:05

Эмне учун Ош окуясындагы чыныгы баатырларды эч ким мынтип эскербейт???!!!!

tairermatov

2016-03-17 16:37:58

X-peria, мекенин коргогон эмес азыр ак уйбу бийликти алгандар баатыр болот.

aibek90

2016-03-17 16:40:06

X-peria, себеби алар ХХХ ХХХ ХХХ...

admin_portal

2016-03-17 16:43:27

aibek90 - 5 күнгө БАН!
Аймактык бөлүү же бөлүнүүчүлүк маанисиндеги билдирүүлөрдү калтырууга тыюу салынат.

ruslankg

2016-03-17 16:44:19

X-peria,ош окуясында курман болгондор чыныгы эли жерин суйгон потриотор болгон,кокустан курман болушпаган алар ош окуясында курман болгондорго баатыр наамын беришсе озбек туугандарда алышы мумкун.

Lintel

2016-03-17 17:03:10

Бакиевди алып келсе жакшы болмок болгон чындыкты айтып бермек. Байликтин акмагы чыгатго анда.

Alixan-Nookat.2015

2016-03-17 18:57:45

Жаткан жерлери жайлуу болсун каза болгондордун! Бирок 7-апрелдегилерди баатыр деп эсептебейм.

Комментарий калтыруу үчүн өз ысымыңыз менен кириңиз же каттоодон өтүңүз.