Баткен. Лейлек районунда жол кырсыгы катталып, 2 аял каза таап, 2 кичинекей бала ар түрдүү жаракаттарды алды

Лейлек районунда жол кырсыгы катталып, 2 аял каза таап, 2 кичинекей бала ар түрдүү жаракаттарды алды. Бул тууралуу бүгүн, 21-мартта SUPER.KG порталына маркумдардын тууганы билдирди.

Маалыматка ылайык, жол кырсыгы 19-мартта Лейлек районунда орун алган. Анда Лексус 470 үлгүсүндөгү унаа менен КамАЗ үлгүсүндөгү оор жүк ташуучу унаа бетме-бет сүзүшкөн. Натыйжада Лексус унаасынын эки жүргүнчүсү (аялдар) оор жаракаттардан улам окуя болгон жерден каза тапкан. Унаанын айдоочусу жана унаадагы 2 кичинекей бала ар түрдүү жаракаттарды алып аймактык ооруканага жеткирилген, алардын абалы оор бойдон калууда. Алдын ала маалыматтарга ылайык, КамАЗдын айдоочусу каршы тилкеге чыгып, Лексус менен сүзүшкөн.

Автор: Мальвина Уметбекова