Бишкекте Нооруз майрамы салтанаттуу түрдө белгиленүүдө (фоторепортаж)

Бүгүн, 21-мартта Бишкектеги “Ала-Тоо” аянтында Нооруз салтанаттуу түрдө белгиленүүдө. Элдик майрам салттуу түрдө Умай эненин катышуусу менен башталып, кыргыз элинин, жеринин жаркын келечегине, бакубат жашоосуна арналган каалоолор менен ачылды. Шаар башчысы Албек Ибраимов өз сөзүндө буларды айтты:

"Урматтуу шаар тургундары, ардактуу коноктор! Сиздерди жаркыраган жаз майрамы - Нооруз майрамыңыздар менен чын жүрөктөн куттуктайм!

Элибиз жылдын, жаратылыштын жаңырышы катары кадырлап тосуп келген улуу күн - Нооруз майрамы жергебизге тынчтык, элибизге ырыс-ынтымак тартуулап, ыйык Ала-Тообуздун асманы ачык болсун!

Нооруз майрамында ар улуттун көргөзмөсү уюштурулуп жатканы бизди кубандырат. Акыркы жылдары Ноорузду майрамдоо бир гана түрк, перс тилдүү элдерде, бүтүндөй мусулман калкында эмес, дүйнө жүзүндө да кеңири кулач жаюуда. Анткени бул майрам адамдарды гумандуулукка, ынтымак менен тынчтыкка, сабырдуулукка чакыргандыгы менен өзгөчөлөнөт.

Нооруз майрамыңыздар кут болсун! Сиздерге жаз айындай жаркын маанай, мээрими төгүлгөн, ырыс-дөөлөттүү узун өмүр, үй-бүлөлүк бакыт-таалай жана ишиңиздерге ийгиликтерди каалайм".

Учурда тургундарга сүмөлөк таратылып, шаңдуу концерт болууда. Көргөзмөлөр уюштурулуп, анда кыргыз элинин улуттук тамактары көрсөтүлүп жатат. Ошондой эле аянтта эки жаштын баш кошкону өзгөчөлүк тартуулады.

Бишкекте Нооруз майрамы белгиленип жатат

Автор: Наргиза Бекжанова
Фото: Наргиза Бекжанова

11:05 21-03-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (4)

kama_future_millioner

2016-03-21 11:26:14

майрамынар мн

Beki092

2016-03-21 11:52:50

Ноорузду майрамдагандан коро Чек ара маселесин чечпейсинерби

18ден уну чыкпай отургандардын бугун ундору чыгып калыптырго куттукто айтып

Ainurhi

2016-03-21 13:14:48

Эн сонун, майрамыныздар менен! Майрамбек Осмоновдун ырдаган жери озгочо, кыздардын бийлегени , ырдын аткарылышы силерде билбейм, менде патр.сезим п.б кетти.

chonkurulush

2016-03-21 14:37:57

Урматтуу Кыргызстаным анын ичинен мусулман бир туугандарым сиздердин бугунку Нооруз майрамынар менен чын журогумдон куттуктаймын силерге ыйман, ынсап, адамгерчилик жана кичи пейилдик каалайм.

Комментарий калтыруу үчүн өз ысымыңыз менен кириңиз же каттоодон өтүңүз.