Өткөн суткада өлкөдө 4 өрт кырсыгы катталып, Сузак районунда иштебеген эски оорукананын 13 чарчы метр бөлмөсү күйүп кетти

Өткөн сутка ичинде өлкө аймагында 4 өрт кырсыгы катталып, аларды өчүрүүгө 4 өрт өчүрүү бөлүмү тартылган. Бул тууралуу бүгүн, 22-мартта Өзгөчө кырдаалдар министрлигинин басма сөз кызматынан билдиришти.

Маалыматка ылайык, Чүй облусунда 1, Жалал-Абад облусунда 2, Ысык-Көл облусунда 1 өрт кырсыгы катталды.

Сузак районуна караштуу Достук айылында өрт кырсыгы катталды. Анда иштебеген эски оорукананын 13 чарчы метр бөлмөсү толугу менен күйүп кеткен. Учурда өрттүн келип чыгуу себеби такталууда.

Автор: Мальвина Уметбекова