Бишкек-Торугарт унаа жолунда айдоочу жол боюндагы бакты сүзүп, каза тапты

Бишкек-Торугарт унаа жолунда айдоочу жол боюндагы бакты сүзүп, каза тапты. Бул тууралуу бүгүн, 23-мартта Чүй облустук ички иштер башкы башкармалыгынан билдиришти.

Маалыматка ылайык, 22-март күнү саат 03:20 чамасында Бишкек-Торугарт унаа жолунун 20-чакырымында Мерседес-Бенц Е320 үлгүсүндөгү унааны башкарган Люксембург айылынын 23 жаштагы Т.Т. аттуу тургуну рулду башкара албай жол боюндагы бакты сүзгөн. Оор жаракаттардан улам ал окуя болгон жерден каза болуп калган. Учурда бул факт боюнча тиешелүү экспертизалар дайындалды.

Автор: Мальвина Уметбекова