Бишкекте 2005-жылдын 24-мартындагы революцияга арналган көргөзмө ачылды (фото)

Бүгүн, 24-мартта Улуттук китепканада 2005-жылдын 24-мартындагы Улуттук революцияга арналган китеп-сүрөт көргөзмөсү ачылды. Ага Март окуяларын чагылдырган сүрөттөр, китептер жана массалык маалымат каражаттарынан алынган макалалар коюлган.

Улуттук китепкананын юридикалык бөлүмүнүн сектор башчысы Кенже Ибраева: "Эгемендүүлүктүн толкунунда демократиялык коомду калыптандыруу, адамдарга бакубат жашоо шартын түзүү убадасы менен 1990-жылы 27-октябрда бийликке келген биринчи президент Аскар Акаевдин жүргүзгөн саясаты элдин ишеничин актабай, өлкөбүздүн келечегин эстен чыгарып, үй-бүлөлүк бийликти сактап калуу аракеттери гана көрүлүп калды.

Көз карандысыздыктын 14 жылында экономиканын базасы талкалануунун жана талап-тоноонун объектисине айланган. Улуттук өндүрүштү кайра иштетүү боюнча чаралар көрүлгөн эмес. Өнөр жайдын анча-мынча негизин түзгөн белгилүү завод-фабрикалар токтогон, менчиктештирилген ишканалар өздөрүнүн профилин өзгөрттү же иштебей калды. Кирешелүү объектилер Акаевдин үй-бүлөсүнүн көзөмөлүнө өттү.

Адам укугу жана эркиндиги, демократиянын баалуулуктары жана эрежелери кагазда калып, калктын саясатка, бийликке, президентке болгон ишенимин азайткан. Элдин жашоо деңгээли жана адамдардын өнүгүү индекси жылдан-жылга төмөндөп, үчтөн экиси жакырчылыкта калды. Жүз миңдеген мекендештер эмгек мигранттарына айланышты.

Республикада өткөрүлгөн референдумдар, шайлоолор президенттин жеке амбициясын канааттандыруу үчүн жүргүзүлүп, анын чексиз бийлигин көбөйтүүгө жана күчөтүүгө багытталып калган.

Социалдык теңсиздиктин, адилетсиздиктин натыйжасы, өзгөчө акыркы өлкө парламентине болгон шайлоолордун акыйкатсыз өтүшү, ченемсиз өскөн коррупция, коомдун моралдык, адеп-ахлактык бузулушу калктын калың катмарынын чыдамы чегине жеткендигин көрсөттү. 24-мартта кыргыз эли чечкиндүүлүгү менен кан төкпөй Акаевдин бийлигин кулатты".

Автор: Наргиза Бекжанова
Фото: Наргиза Бекжанова

13:15 24-03-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (2)

erazamat

2016-03-24 09:31:44

Атамбайев деле Акаевтен калышпайт кайра отот андан деле super.kg чек ара жонундо кенири маалымат жазгыла батыраак алдабай туура жазгыла сураныч Ташиевтин суйлогонун кордук чек арада эч кандай узбек солдатары азайган эмес кайра кобойгон дейт 50 жакын урушка дайар турушат дейтко тоноп буткурлор тойгоздунарго элди алдай берир

Aviator

2016-03-24 14:44:17

erazamat,красавчик

-1

Комментарий калтыруу үчүн өз ысымыңыз менен кириңиз же каттоодон өтүңүз.