Сокулук районунда "короодо токтоп турган унаанын дөңгөлөктөрүн чыгарып кеткен" деген шек менен 2 жаран кармалды

Сокулук районунда уурулукка шектелген 2 жаран кармалды. Бул тууралуу бүгүн, 24-мартта Чүй облустук ички иштер башкы башкармалыгынан билдиришти.

Маалыматка ылайык, милицияга арыз менен Сокулук районунун тургуну кайрылган. Ал белгисиз адамдар үйүнүн короосунда токтоп турган Фольксваген Гольф үлгүсүндөгү унаасынын 4 дөңгөлөгүн чыгарып кетишкенин билдирген. Бул факт боюнча "уурулук" беренеси менен кылмыш иши козголгон. Жүргүзүлгөн иликтөө иштеринин алкагында 23-мартта кылмышка шектүү катары 23 жаштагы А.К. жана Ж.А. аттуу Токтогул районунун мурда соттолгон тургундары кармалган. Учурда алар убактылуу кармоочу жайга киргизилип, иликтөө иштери жүрүүдө.

Автор: Мальвина Уметбекова