Баткен облусунда студенттерди коркутуп, тоноого шектелген 20 жаштагы жаран кармалды

Баткен облусунда "студенттерди коркутуп, уюлдук телефондорун алып жүргөн" деген шек менен 20 жаштагы жаран кармалды. Бул тууралуу бүгүн, 25-мартта Баткен облустук ички иштер башкармалыгынан билдиришти.

Маалыматка ылайык, Кызыл-Кыя шаарында студенттерди коркутуу жолу менен уюлдук телефондорун тартып алуу фактылары катталган. Кызыл-Кыя ШИИБинин кызматкерлери тарабынан жүргүзүлгөн иликтөө иштеринин алкагында Кадамжай районунун Арпа-Сай айылынын 20 жаштагы К.М. аттуу тургуну кармалды. Аны кармоо учурунда жанынан уюлдук телефондор табылган. Бул факт боюнча "тоноочулук" беренеси менен кылмыш иши козголуп, кылмышка шектүү убактылуу кармоочу жайга киргизилди.

Автор: Мальвина Уметбекова