Москвада кыргыз азык-түлүктөрүнүн жарманкеси болду

26-мартта Москва шаарындагы “Кыргызстан” соода борборунда “Кыргызстан бүткүл орусиялык көргөзмө борборунда-2013. Экологиялык таза азык-түлүк” аттуу көргөзмө-жарманке соңуна чыкты. Анда Кыргызстанда өндүрүлгөн кийим-кече, тамак-аш, кургак жемиштер, дан өсүмдүктөрү жана дарылык суулардын түрлөрү сатыкка коюлду. Эки апта ичинде жарманкедеги азык-түлүктөрдүн бардыгы сатылып, аларды жөнөкөй тургундардан сырткары шаардагы ири кафе, ресторандар да сатып алганы кабарланды. Айта кетсек, бул иш-чара КРнын Экономика министрлиги жана Кыргызстандын Орусиядагы элчилигинин демилгеси менен 12-мартта башталган.

Автор: Ширин Турдакунова