Бишкектин Жол-патрулдук милициясынын башчысы Зумрад Жанабаева 20 күнгө СИЗОго отургузулду

Бишкек шаарынын Жол-патрулдук милициясынын башчысы Зумрад Жанабаева 17-апрелге чейин СИЗОго отургузулду. Тиешелүү токтомду бүгүн, 26-мартта Бишкектин Биринчи Май райондук соту чыгарды.

Айта кетсек, 24-март күнү саат 23:30 чамасында Октябрь райондук прокуратурасынын кызматкерлери тарабынан З.Жанабаева ага карата козголгон кылмыш ишинин негизинде кармалган.

2015-жылдын декабрь айында Жол-патрулдук милициясынын бир катар кызмат адамдарына Октябрь райондук прокуратурасы тарабынан “кызмат абалынан кыянаттык менен пайдалануу”, “кызматтык жасалмалык” беренелери менен кылмыш иши козголгон.

Ал эми Башкы прокуратуранын басма сөз кызматынан бул тууралуу төмөнкүлөрдү билдирди: 2015-жылдын 8-ноябрь күнү Чүй жана Шопоков көчөлөрүнүн кесилишинен Жол-кайгуул кызматынын Н.К. аттуу кызматкеринин катышуусунда жол кырсыгы катталган. Анда мас абалында Ауди А4 үлгүсүндөгү унааны башкарып бараткан Н.К. нөөмөттө турган Жол-патрулдук милициясынын буйруктарына баш ийбей качып кеткен. Кызматтык унаа менен артынан кууп барган кызматкер менен мас абалдагы айдоочу жол кырсыгына учураган. Бул факт боюнча мас абалдагы кызматкерге карата кылмыш иши козголгон.

"Н.К. аттуу жаран 6-ноябрь күнү өз ыктыяры менен жумуштан кетти" деген буйрукка Жол-патрулдук милициясынын башчысы кол койгону белгилүү болгон. Бирок иликтөө иштеринин алкагында Н.К. 6-7-ноябрь күндөрү жумуш ордунда болгону аныкталган. Мекеменин башчысы Н.К. аттуу кызматкери аталган күндөрү өз кызматын өтөгөндүгүн билип туруп, кызмат абалынан кыянаттык менен пайдаланып, туура эмес датаны коюу менен буйрук чыгарган. Бул факт боюнча 17-декабрь күнү Октябрь райондук прокуратурасы Жол-патрулдук милициясынын башчысына жана башка тиешелүү кызматкерге карата “кызмат абалынан кыянаттык менен пайдалануу” жана “кызматтык жасалмалык” беренеси менен кылмыш иши козголгон.

Автор: Нургазы Аматов

20:12 26-03-2016

Жазылуу

РУБРИКАДАГЫ СОҢКУ КАБАРЛАР

17:27 2025-05-19 | Бизнес-Инфо

Huawei Берлинде колго тагылуучу инновациялык гаджеттердин жаңы доору келгенин жар салып, бренддин тагынып жүрүүчү түзүлүштөрүнүн жаңы линейкасын сунуштады 82 0

17:24 2025-05-19 | Саясат

"Чай ичип эле кетишет". Депутат Саламаттык сактоо министрлигинин кызматкерлерин сынга алды (видео) 86 0

17:18 2025-05-19 | Бизнес-Инфо

MEGA жана MegaLab "IT-Мама" социалдык долбоорун аякташты – жаңы горизонтторго кадам! 50 0

16:56 2025-05-19 | Коом жана турмуш

"Сөгүшкө рахмат". Министр президентке ыраазычылык айтты 524 0

16:50 2025-05-19 | Коом жана турмуш

Эмгек министрлиги баатыр энелерге берилчү жөлөк пулдун суммасын маалымдады 383 0

16:26 2025-05-19 | Кылмыштар, кырсыктар

Чаек айыл өкмөтү: Иштебегендер үчүн да айлык берилгени аныкталды 317 0

Архив

Комментарийлер (14)

azamat.95

2016-03-26 20:32:41

Катырып атышат окшойтко...

+12

aksyboy17

2016-03-26 21:22:23

Аа

taro

2016-03-26 22:08:14

Ото сонун жанылык! Кайра кайра окуп кубанычтамын)

AiBoru

2016-03-27 12:19:10

taro, бироону эч качан табалабаш керек. Табалаганды таба жетем деген. Куноолуу болсо, кудай жазалайт жана закон жазалайт. Тобоо дейличи

-1

taro

2016-03-27 17:02:55

AiBoru,туура,элди токтотуп акчасын тоноп арам оокат жегендердин акыры ушул тура

Inna_91

2016-03-26 22:53:07

Жей берип ХХХ ХХХ 20 кун камакта отурса ХХХ

admin_portal

2016-03-28 15:29:55

Inna_91, кемсинтүүдөн алыс болууну сунуштайм!

Dimonbek

2016-03-27 02:54:13

Мас неменин таанышы кучтуу го сыягы

SHAHDAR

2016-03-27 04:10:02

жок дальше жумуштан бошотулат бекен???

zoichka

2016-03-27 06:04:47

Тообо.бироонун жеке жашоосуна кызыгып эмне кыласынар дейм да.бек экинчи аял алды деп жазып чыкмак беле супер.

Patio_18

2016-03-27 21:29:37

zoichka,бек экинчи аял алмак тугул уже уулдуу болуп бешик той бергени жатыптыр

shamalchanin

2016-03-27 07:13:07

жакшы экен. ушундай темпте иштей бергиле прокуратура кызматкерлери. мындай жасалма документтердин канчасы комускодо жатат. таап оз жазасын бергиле жегичтердин!!

admin_portal

2016-03-28 15:26:31

Arslan12, маанисиз, талкуудан алыс билдирүүлөрдү жазуудан алыс болуңуз! Билдирүүңүз өчүрүлдү!

admin_portal

2016-03-28 15:32:17

Pandora, Nazikbaigazy, Akmosha, талкуудан алыс билдирүүлөрүңөр өчүрүлдү!
rumi04, сунуштарды тиешелүү дарекке жөнөтүңүз!

Комментарий калтыруу үчүн өз ысымыңыз менен кириңиз же каттоодон өтүңүз.