Нарын районуна караштуу Эчки-Башы айылындагы мектептин жаңы имаратынын курулушуна капсула салынды

Бүгүн, 28-мартта Нарын районуна караштуу Эчки-Башы айылында Жусуп Иманалиев атындагы мектептин жаңы имаратына капсула салуу аземи өттү. Бул тууралуу өкмөттүн облустагы өкүлчүлүгүнөн кабарлашты.

Маалыматка ылайык, Жер-Үй алтын кенинен түшкөн каражатка республикада жаңы курулуп жаткан 100 мектептин ичине Нарын облусу боюнча быйыл 12 объект кирген. Аталган мектеп дагы ушул каражаттан курулуп жатат. Мектептин жаңы имаратына 62 миллион 448 миң сом бөлүнгөн жана мектеп үстүбүздөгү жылдын 1-декабрына карата бүткөрүлөт.

1962-жылы пайдаланууга берилген Ж.Иманалиев атындагы мектептин эскилиги жетип, жаңы имарат салууга муктаждык жаралган. Учурда мектепте 360 окуучу окуп, 34 мугалим эмгектенет.

Иш-чарага ЖКнын депутаттары Чыныбай Турсунбеков, Жылдыз Мусабекова, Автандил Кулбараков, облус башчы Аманбай Кайыпов, Нарын районунун акими Түгөлбай Жанбоев катышты.

Автор: Максат Кудайбердиев
Фото: Өкмөттүн Нарын облусу боюнча атайын ыйгарым өкүлүнүн басма сөз кызматы

17:19 28-03-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (2)

eduardali

2016-03-28 18:41:49

Айылдын аталышын өзгөртүп койуп алышса жакшыбы дейм.

bokochooo

2016-03-30 16:57:06

Он-Арча болчу негизи анан биз кайра Эчки башы деп эски атын коюп алганбыз ))) менин айылым бул озу ушул жерден окуп чоку кеткем акыры салынып жатыптырда 1990 жылы казылып анан салынбай калган

Комментарий калтыруу үчүн өз ысымыңыз менен кириңиз же каттоодон өтүңүз.