"Кара-Балтада 9 жашар кызды мыкаачылык менен өлтүргөн" деп өмүр бою эркинен ажыратылгандардын жактоочулары сот чечимине нааразы болушууда

"Кара-Балта шаарында 9 жашар кызды мыкаачылык менен өлтүргөн" деп өмүр бою эркинен ажыратылган Александр Зюзин менен Виталий Ивженоконун жактоочулары соттун эки адамды бирдей өмүр бою эркинен ажыратуу чечимине макул эместигин 30-мартта маалымат жыйынында айтып чыгышты. Жактоочулар Башкы прокуратура 8 жылдан бери аталган факт боюнча кылмыш ишин карап, кайра жаап коюп жатканын билдиришти.

“Күнөөсү далилденбеген эки адамды бирдей күнөөлөп, өмүр бою эркинен ажыратуу мүмкүн эмес. Эки жолку соттук-медициналык экспертизанын жыйынтыгы эки башка чыккан. Азыркы тапта экспертизаны чет мамлекеттен өткөрүүгө уруксат жок болууда. Эгер бул иш кайра каралбаса, биз эл аралык уюмдарга кайрылууга мажбур болобуз”,- дейт жактоочулардын бири Эркин Саданбеков.

Эскерте кетсек, 2006-жылдын 10-мартында 9 жаштагы кыздын зордукталып, мыкаачылык менен өлтүрүлгөн жансыз денеси табылган. Жүргүзүлгөн иликтөө иштеринин натыйжасында Кара-Балта шаарынын тургундары И.Виталий, З.Александр аталган фактыга шектүү катары кармалышкан. Кийин Жайыл райондук сотунун чечими менен алар өмүр бою эркинен ажыратылышкан. Бул өкүм менен макул болбогон тарап облустук соттун кароосун өтүнгөн. Чүй облустук соту Жайыл райондук соттун чечимин өзгөртүүсүз калтырган.

Автор: Алина Токтакунова

12:35 30-03-2016

Жазылуу

РУБРИКАДАГЫ СОҢКУ КАБАРЛАР

17:27 2025-05-19 | Бизнес-Инфо

Huawei Берлинде колго тагылуучу инновациялык гаджеттердин жаңы доору келгенин жар салып, бренддин тагынып жүрүүчү түзүлүштөрүнүн жаңы линейкасын сунуштады 82 0

17:24 2025-05-19 | Саясат

"Чай ичип эле кетишет". Депутат Саламаттык сактоо министрлигинин кызматкерлерин сынга алды (видео) 86 0

17:18 2025-05-19 | Бизнес-Инфо

MEGA жана MegaLab "IT-Мама" социалдык долбоорун аякташты – жаңы горизонтторго кадам! 50 0

16:56 2025-05-19 | Коом жана турмуш

"Сөгүшкө рахмат". Министр президентке ыраазычылык айтты 524 0

16:50 2025-05-19 | Коом жана турмуш

Эмгек министрлиги баатыр энелерге берилчү жөлөк пулдун суммасын маалымдады 383 0

16:26 2025-05-19 | Кылмыштар, кырсыктар

Чаек айыл өкмөтү: Иштебегендер үчүн да айлык берилгени аныкталды 317 0

Архив

Комментарийлер (5)

Ali-han

2016-03-30 13:35:02

Эн туура чечим. Буларды олум жазасына тартыш керек болчу

Urmat_83

2016-03-30 14:04:50

Жактоочуларлды кошуп камаш керек.Бул жактоочулар куноосу барбы жокпу карабайт да.Акчасын бергенди коргой беришет.Кичинекей кызда не куноо

cholponka91

2016-03-30 14:12:09

ошо да андайларды олтуруп же ташбаранга деле алып салышса болмок алы жокторду кыйнап зоордуктап олтуруп жаткандан кийин

jibew

2016-03-30 19:54:30

Урматтуу жактоочу Э.Саданбеков ушундай мыкаачы зоокурлорго жактоочу болбой эле койсонуз жашоонуз токтоп калабы?!

raia

2016-03-31 07:46:54

Экоо биригип зордошсо,мыкаачылык менен олтурушсо анан бири акталып чыгыш керек бекен?
Саданбеков олгон кызды,жаш наристенин убалынан коркпойт бекен?
Деги бул актоочунун адамкерчилик сапат деген,жашайт бекен?Ошол наристенин зордолгонун,кордолгону ал учун кеп эмес окшойт....

Комментарий калтыруу үчүн өз ысымыңыз менен кириңиз же каттоодон өтүңүз.