Бишкекте бир нече өлкөлөрдүн илимпоздорунун жолугушуусу өтөт

5-6-апрелде Борбордук Азия жана Монголия боюнча Академиялык өнүктүрүү программасы Борбордук Азиядагы Америка университети менен биргеликте окутуучулардын жана программанын катышуучуларынын эл аралык академиялык сабактар аралык жолугушуусун өткөрөт. Жолугушууга Кыргызстан, Азербайжан, Албания, Армения, Босния, Грузия, Казакстан, Молдова, Монголия, Орусия, Сербия, Тажикстан жана Украинанын ЖОЖдорунда сабак берген 140тан ашык жаш окумуштуу келет. Анда жаш илимпоздор америкалык жана европалык университеттердин профессорлору менен бирге жергиликтүү ЖОЖдордун окуу программаларын жакшыртуу үчүн жөнөтүлгөн өздөрүнүн илимий долбоорлорунун үстүндө иштешет. Белгилей кетсек, программа чет өлкөдө билим алып жаткан жаштардын мекенине кайтып келүүсүн колдоого багытталган.

Автор: Ширин Жумадилова