Жалал-Абадда айдоочуга кол салган жүргүнчүлөр кармалды

26-март күнү Жалал-Абад шаарында Н.Айтматова көчөсүндөгү унаа токтотуучу жайда токтоп турган Тико үлгүсүндөгү унаага жашы 20-25 жаштардагы 2 жаран отурушуп, айдоочудан “Көк-Арт” кичи районуна жеткирүүнү суранышкан. Айтылган дарекке жете электе жолдон жүргүнчүлөрдүн бири айдоочунун моюнуна бычак такап, анын уюлдук телефонун жана 600 сом акчасын тартып алышкан. Мындан соӊ, кылмышкерлер белгисиз тарапка качып кетишкен. Аталган факты боюнча Жалал-Абад шаардык ИИББи тарабынан кылмыш иши козголгон. Иликтөө иштеринин жыйынтыгында Сузак районунун жашоочулары 23 жаштагы Т.К. жана 22 жаштагы Д.Д. аттуу жарандар кармалышты.

Автор: Ширин Турдакунова