Бишкек шаарында алдамчылык фактысына шектелген таксист кармалды

Бишкекте "алдамчылык жолу менен ири суммадагы акча каражатын тартып алган" деген шек менен таксист кармалды. Бул тууралуу Бишкек ШИИББинин басма сөз кызматынан билдиришти.

Маалым болгондой, милиция кызматкерлерине арыз менен Бишкек шаарынын 25 жаштагы У.М. аттуу тургуну кайрылган. Ал борбордогу автобекеттердин биринен С. аттуу таксист анын ишенимине кирүү менен 40 миң сом акча каражатын тартып алганын билдирген. Жүргүзүлгөн иш-аракеттердин алкагында кылмышка шектүү катары Ысык-Көл облусунун 30 жаштагы И.С. аттуу тургуну кармалган. Учурда териштирүү иштери жүрүүдө.

Автор: Алина Токтакунова
Фото: Интернеттен алынды