Тоң райондук сотунун судьясына кылмыш иши козголду

27-мартта Ысык-Көл облусундагы Тоң райондук сотунун судьясы О.М. аттуу жаранга кылмыш иши козголду. Ал кызмат абалынан кыянаттык менен пайдалануу жана туура эмес чечим чыгаруу кылмыштары боюнча айыпталууда. Маалыматка ылайык, аталган судья 2012-жылдын 26-июнунда белгилүү кыймылсыз мүлктү М.А. аттуу жарандын менчигине өткөрүү чечимин чыгарып, бирок ушул эле жылдын 19-июлунда ал мүлктү Т.Д. аттуу жаранга да жашыруун түрдө менчиктештирип берген. Учурда Ысык-Көл облустук прокуратурасы тарабынан кылмыш иши козголуп, иликтөө иштери жүрүүдө.

Автор: Ширин Турдакунова