Бишкек милициясы: "Көк-Жар жаңы конушунда болгон жол кырсыктарына жолдун оңдолуп жатканы себеп болушу мүмкүн"

15-апрелде 22:30 чамасында Аламүдүн районундагы Шабдан баатыр көчөсүндө КамАЗ жеңил унааны сүзүп кетип, оор жаракаттардан улам жеңил унаанын айдоочусу жана жүргүнчүсү каза тапкан. 16-апрелде да аталган жайда эки унаа кагышканын күбөлөр SUPER.KG'ге билдиришкен.

Бишкек ШИИББинин жол кырсыктарын тергөө бөлүмүнүн башчысы Каныбек Сулайманов экинчи катталган жол кырсыгы боюнча патрулдук милицияга эч кандай маалымат жетпегенин айтты. Ал бул жайда болгон жол кырсыктары Көк-Жар жаңы конушунда жолдун оңдолуп жатканына байланыштуу болушу мүмкүн экенин кошумчалады.

Эскерте кетсек, 15-апрелдеги жол кырсыгында 3 чиркегичи менен картошка жүктөп келаткан КамАЗдын айдоочусу рулду башкара албай бетон тосмону сүзүп, каршы тилкеге чыгып, жолдо келаткан Хонда Фит унаасын сүзгөн. Натыйжада Хонда Фит жол боюндагы арыкка түшүп, анын үстүнөн КамАЗ басып калган. Алдын ала маалыматтарга ылайык, жеңил унаанын ичинде 5 адам болгон, алардын экөө оор жаракаттардан улам каза болуп, калгандары оор жаракат алышкан.

“15-апрелде болгон кырсык боюнча соттук-медициналык экспертизалар дайындалган. Айдоочу жана күбөлөр, оңдолуп жаткан жолдо тиешелүү белгилер жана көчө жарыктары жок экендигин айтып жатышат. Балким, кырсык ошол себептен болгондур. Айрымдар унаанын токтоткучу (тормоз) кармабай калып кокустук болуп кеткенин айтышууда, бирок экспертизанын жыйынтыгы чыкмайынча эч нерсе айта албайбыз”,- дейт Сулайманов.

Автор: Алина Токтакунова

16:48 18-04-2016

Жазылуу

РУБРИКАДАГЫ СОҢКУ КАБАРЛАР

23:20 2025-05-19 | Коом жана турмуш

Белгилүү блогер Омар Алиев Кыргызстанга келди (видео) 133 0

22:20 2025-05-19 | Түркүн дүйнө

Нурлан Сабуров Москванын аэропортунда кармалгандыгы айтылды (видео) 818 0

21:19 2025-05-19 | Саясат

Касмалиев жыйында жетекчилерге эскертүү берди 561 0

20:35 2025-05-19 | Түркүн дүйнө

АКШ Австралияга колдонуудан чыгарылган танктарын Украинага жөнөтүүгө уруксат берди 899 0

20:14 2025-05-19 | Түркүн дүйнө

Кытайда мамлекеттик кызматкерлерге тыюу салуулар боюнча жаңы документ кабыл алынды 665 0

19:16 2025-05-19 | Кылмыштар, кырсыктар

Ысык-Көл менен Нарында болгон шамалдын кесепеттери маалым болду 715 0

Архив

Комментарийлер (2)

realliver

2016-04-18 17:48:04

Ооба жолчулардын куноосу бар. Жарым жолду тоскондон кийин, жол жабык ылдамдыкты 20 же 30 км менен айдагыла деген белгилерден 50 метр алыстыкта илиши керек эле. Класташ балам айтып аткан ошол кырсык брлгондон кийин эртен менен илишиптир аран знактарды шашып деп

myrzayym

2016-04-19 11:51:13

Ушунун баары коррупциянын айынан. Жол эрежесин окубай туруп айдоочулук күбөлук алгандар. Алар керек болсо, жол белгилерин тынгылыктуу да билишпейт. 95%ы окубай алгандар.

Комментарий калтыруу үчүн өз ысымыңыз менен кириңиз же каттоодон өтүңүз.