Токтогулда жаңы төрөлгөн ымыркайдын дааратканага ташталганы боюнча тергөө аяктап, шектүү келиндин иши сотко өттү

Жалал-Абад облусунун Токтогул районунда "жаңы төрөлгөн ымыркайын дааратканага таштаган" делген келиндин иши сотко өттү. Бул тууралуу SUPER.KG порталына облустук милициядан билдиришти.

Маалым болгондой, аталган факт боюнча укук коргоо органдары тергөө иштерин бүтүрүп, тиешелүү материалдарды сотко өткөрүп беришти.

Айта кетсек, окуя 27-январда саат 21:47 чамасында болгон. Ал жерге Өзгөчө кырдаалдар министрлигинин №97-өрт-куткаруу бөлүмүнүн жана Токтогул райондук ички иштер башкармалыгынын кызматкерлери келишкен.

Даараткананын жанында көп кабаттуу үйлөр жайгашкан. Ал жерде жүргөн жашоочулар кечинде баланын ыйлаган үнүн угуп калышкан. Дааратканадан ымыркайды жергиликтүү тургун Жапар уулу Асанкул чыгарып, дарыгерлерге берген. Тергөөнүн жүрүшүндө кылмышка шектүү аял кармалган. Анын мурун ажырашканы жана бир баланы тарбиялап келгени аныкталды.

Мындан тышкары ымыркай маалына жетип, 2 килограмм 535 грамм салмакта төрөлгөнү белгилүү. Аны дааратканага таштаган энеге карата "жаңы төрөлгөн баласынын өмүрүнө кол салуу" беренеси менен кылмыш иши козголгон. Энелик укуктан ажыратылышы боюнча маселени социалдык органдар карашмакчы.

Автор: Нургазы Аматов

08:57 20-04-2016

Жазылуу

РУБРИКАДАГЫ СОҢКУ КАБАРЛАР

23:20 2025-05-19 | Коом жана турмуш

Белгилүү блогер Омар Алиев Кыргызстанга келди (видео) 133 0

22:20 2025-05-19 | Түркүн дүйнө

Нурлан Сабуров Москванын аэропортунда кармалгандыгы айтылды (видео) 818 0

21:19 2025-05-19 | Саясат

Касмалиев жыйында жетекчилерге эскертүү берди 561 0

20:35 2025-05-19 | Түркүн дүйнө

АКШ Австралияга колдонуудан чыгарылган танктарын Украинага жөнөтүүгө уруксат берди 899 0

20:14 2025-05-19 | Түркүн дүйнө

Кытайда мамлекеттик кызматкерлерге тыюу салуулар боюнча жаңы документ кабыл алынды 665 0

19:16 2025-05-19 | Кылмыштар, кырсыктар

Ысык-Көл менен Нарында болгон шамалдын кесепеттери маалым болду 715 0

Архив

Комментарийлер (3)

Jazi89

2016-04-20 09:50:50

Не болуп эле баратат ,балдарын тууп туалетке ыргытса ,итке жедирсе ,окмот жаны закон чыгарса болмок ушундай кылгандарды атууга берсе болмок ,бул корунуш кайталана берет

daniyar84

2016-04-20 10:13:33

Ошол баланын кусуру урсун,багууга мумкунчулук жокпу,деддомго бербейсинби акмак.эртен баланс чонойсо бетине кандай карайсын

edil.kg

2016-04-20 12:09:03

Оооо бул кандай таш боор эне!!!!!

Комментарий калтыруу үчүн өз ысымыңыз менен кириңиз же каттоодон өтүңүз.