Өлкө аймагында экстремизм жана террордук кылмыштар боюнча соттолгон кылмышкерлер үчүн 3 абак курулууда

Өлкө аймагында экстремизм жана террордук кылмыштар боюнча соттолгон кылмышкерлер үчүн 3 абак курулууда. Бул тууралуу 28-апрелде Жаза аткаруу кызматынын төрагасынын орун басары Таалай Жапаров билдирди.

Маалым болгондой, Чүй облусунун Беловодск, Молдовановка айылдарында жана Бишкектин аймагында терроризм жана экстремизм кылмыштары менен соттолгон жарандар үчүн күчөтүлгөн режимдеги 3 абактын курулуш иштери жүрүүдө. Жапаров белгилегендей, эгер каржылоо маселеси толук чечилип берилсе, абактар ушул жылдын аягына чейин курулуп бүтмөкчү. Ошондой эле аталган кылмыштар боюнча өмүр бою эркинен ажыратылгандар убактылуу Жаңы-Жер айылындагы №19-абакта кармалары белгилүү болду.