Бишкекте "үйгө уурулукка кирип, баалуу буюмдарды алып кеткен" деген шек менен 24 жаштагы шаар тургуну кармалды

Бишкекте "үйгө уурулукка кирип, баалуу буюмдарды алып кеткен" деген шек менен 24 жаштагы шаар тургуну кармалды. Бул тууралуу Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 40 жаштагы С.А. аттуу жаран кайрылган. Ал 29-апрель күнү саат 00:30 чамасында белгисиз адамдар анын үйүнө кирип, жалпы суммасы 17 500 сомду түзгөн баалуу буюмдарды уурдап кетишкенин билдирген. Жүргүзүлгөн иликтөө иштеринин алкагында кылмышка шектүү катары 24 жаштагы А.А. аттуу шаар тургуну кармалган. Учурда иликтөө иштери жүрүүдө.

Автор: Мальвина Уметбекова