СУПЕРСТАН: "Депутаттардын көпчүлүгү ишкерлер. Алар ошол бизнесин коргоо үчүн депутат болушкан"

SUPER.KG порталынын "Суперстан" бөлүмүндө "Депутаттарыбыз кедейби?" деген тема талкууга алынды.

Темадагы билдирүүлөрдөн:

"Депутаттардын көпчүлүгү ишкерлер. Алар ошол бизнесин коргоо үчүн депутат болушкан. Кызматтык машинадан баш тартыш кыйын болду, өздөрүнүн 5-6 унаасы турса дагы, анан кантип айлыктан баш тартышсын?"

"Мен да депутат болом. Актёрлук чеберчиликтен "ай, кой, иштен кетсин" дегенди үйрөнсөм, ошо жетет".

"Арасында бардыр кедей депутаттар, бирок астында кымбат баалуу машина болбосо да, 3-4 миңдик унаасы, үстүндө үйү, жер тилкеси бар. Булар өздөрүн кедейбиз дегенинин себеби, башка бай депутаттарга салыштырып айтышат".

"Депутаттар эле өлкөбүздү өнүктүрө турчу адамдар. Мисалы, Атамбаев дарак болсо, депутаттар бутактары. Баары ынтымакта иштеп, жакшы идеяларды ойлоп тапса, биз эчак өнүгүп, башка өлкөлөрдү көзүбүздүн кыйыгы менен карап жашамакпыз. Көрүнгөн жерде мигрант болбой".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы