Өткөн суткада өлкөдө 6 өрт кырсыгы катталып, Сокулук районундагы турак жайлардын биринен үй оокаттары күйүп кетти

Өткөн сутка ичинде өлкө аймагында 6 өрт кырсыгы катталып, аларды өчүрүүгө 6 өрт өчүрүү бөлүмү тартылган. Бул тууралуу бүгүн, 13-майда Өзгөчө кырдаалдар министрлигинин басма сөз кызматынан билдиришти.

Маалыматка ылайык, Бишкек шаарында 3, Чүй облусунда 2, Ош облусунда 1 өрт кырсыгы катталды.

Сокулук районуна караштуу Новопавловка айылындагы Совет көчөсүндөгү турак жайлардын биринен өрт чыккан. Анда үйдүн 30 чарчы метр, жыгач устундуу, шифер жабылган чатыры, 2 даана сыналгы, диван, кресло, 2 даана кир жуучу машина, муздаткыч, сервант, кийим-кечелер, палас күйүп кеткен. Учурда өрттүн келип чыгуу себеби такталууда.

Автор: Мальвина Уметбекова