Токмок шаарынан бейбаштыкка шектелген 30 жаштагы аял кармалды

Токмок шаарынан бейбаштыкка шектелген 30 жаштагы аял кармалды. Бул тууралуу бүгүн, 23-майда Чүй облустук ички иштер башкы башкармалыгынын басма сөз кызматы билдирди.

Маалыматка ылайык, Токмок шаарынын 23 жаштагы И.М. аттуу тургуну арыз менен кайрылган. Шаардагы салондордун биринде жаралган пикир келишпестиктен улам 30-35 жаштардагы азиат улутундагы аял кымбат баалуу уюлдук телефонун сындырып кетип калган. Издөө иштеринин натыйжасында мурда соттолгон Токмок шаарынын жашоочусу, 30 жаштагы аял кармалган.

Учурда териштирүү иштери жүргүзүлүүдө.

Автор: Акназар Сулайманкулов