Орусияда окуган мекендешибиз Эркинбек уулу Сыргак комузда кол ойнотуп, залдагы элди таң калтырды

Чет жерде окуп, иштеп, аны менен эле чектелип калбай кыргыз элинин маданиятын, өлкөнүн атын таанытып жүргөн жаштарыбыз аз эмес. Алардын катарында Орусиядагы жогорку окуу жайлардын биринде 1-курста окуган Эркинбек уулу Сыргак да бар. Ал өткөн жумада болгон окуу жайлар арасындагы "Орусия студенттик жазы" сынагында комузда кол ойнотуп, залдагы көрүүчүлөрдү таң калтырган. Бул тууралуу SUPER.KG порталына билдирген Эркинбек уулу Сыргак сынак тууралуу төмөнкүлөргө токтолду:

"Бул сынакка өзүм окуган окуу жайдын атынан чыктым. Комуз черткеним окуу жайдын мугалимдеринин, студенттеринин кызыгуусун жаратты. Сынакта Атай Огомбаев атабыздын "Маш ботой" күүсүн чертип, күүнүн ортосуна келгенде комузду ийиниме алдым. Ошол учурда залдагылардын баары таң калышты, кол чабуулар күчөй баштады. Соңунда көрүүчүлөр ордуларынан туруп кол чабышты.

Өзүм мындай нерсени күткөн эмесмин. Мурда-кийин комуз күүсүн укпаган адамдар аябай кызыгып, "Сиз кайсы жерден болосуз? Ойноп жаткан аспабыңыздын аты эмне?" деп сурап жатышты. Мындай суроолорго "мен кыргызмын, кыргыз өлкөсүнөн келгем, колумдагы музыкалык аспап - комуз" деп жооп берип жаттым. Ошондо менде бир ой пайда болду, эмне үчүн балалайка десең Бишкекте баары билет, а комузду бул жакта эч ким билбейт? Ушундай суроолор көп болбош үчүн мен, Кудай буюрса, мындан ары да окуу жайымда кыргыз маданиятын тааныта бермекчимин".

Автор: Турсунай Алымкулова
Фото: Эркинбек уулу Сыргактын <br> өздүк баракчасынан алынды

10:25 30-05-2016

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (6)

Kani1994

2016-05-30 10:34:51

АЗАМАТ кыйын бала экен!

nabi89

2016-05-30 10:41:38

Азаматсын

stimyl.kg

2016-05-30 10:49:10

Чыныгы мекенчил адамдар ушундай болот куру популис болуп кыйкырбастан эле мекенчилдигин иш жузундо корсото алат. Ийгилик каалайм окууларына.

zavi95

2016-05-30 11:32:22

Кыргыздын жигиттери ушинтип эле элди жерди тааныткылачы. Калп эле патриот болуп кыздарды тиги улут бул улут менен журот деп кордобой. АЗАМАТСЫН сен элдин сыймыктуу уулусун.........

jetinur90

2016-05-30 12:52:47

Чыкыйган турпаты,келбети нукура кыргыз,азамат!

lolo.1

2016-05-30 14:56:23

Азаматсын Сыргак!

Комментарий калтыруу үчүн өз ысымыңыз менен кириңиз же каттоодон өтүңүз.