Бишкек шаарынын тургундарын бычак менен коркутуп, зым менен байлап, унаасын тартып алган жарандар изделүүдө

Бишкек шаарынын тургундарын бычак менен коркутуп, зым менен байлап, унаасын тартып алган жарандар изделүүдө. Бул тууралуу бүгүн, 3-июнда Бишкек шаардык ички иштер башкы башкармалыгынын басма сөз кызматынан билдиришти.

Маалыматка ылайык, Бишкек шаарынын тургуну, 1986-жылы туулган Д.Ж. аттуу айым "белгисиз жарандар короодон ашып түшүп кайненемди жана күйөөмдү зым менен байлап, бычак жана темир лом менен коркутуп 13 миң сом акчасын, алтын буюмдарын жана Volkswagen Touareg үлгүсүндөгү автоунааны тартып алышты" деген арыз менен кайрылган.

"Бет кап кийип унааны белгисиз тарапка айдап качып кеткендер изделүүдө", - деп билдирди басма сөз кызматы.

Автор: Акназар Сулайманкулов
Фото: Интернеттен алынды