Стамбулдагы Беязыт районунда жардыруудан 11 адам каза болуп, 36 адам жаракат алды

Маалыматка ылайык, жардыруудан полициянын 7 кызматкери жана шаар тургундарынан 4 киши набыт болуп, 36 адам жаракат алган.

Жардыруу Беязыттагы полиция башкармалыгы менен Везнежилер аялмадасына жакын жерде орун алган. Коопсуздук кызматкерлеринин унаасы өтүп бараткан маалда токтоп турган автоунаа жардырылганы айтылууда.

Азыркы убакта түрк коопсуздук кызматтары жардыруу болгон аймакты көзөмөлгө алып, иликтөө иштерин жүргүзүүдө.

Жардыруу болгон аймак студенттер көп жүргөн аянт болуп эсептелет. Мындан сырткары Стамбул университетинин окуу имараттары, кыздар жатаканасы, метро станциясы жана бир канча мейманканалар орун алган.

Автор: Акназар Сулайманкулов
Фото: Интернеттен алынды