Алмазбек Атамбаев АКШ президенти Барак Обамага Орландо шаарындагы окуяга байланыштуу көңүл айтты

Кыргыз Республикасынын Президенти Алмазбек Атамбаев АКШнын президенти Барак Обамага Орландо шаарында болгон терактка байланыштуу көңүл айтты. "Кыргыз Республикасы төбө чачты тик тургузган бул кыянатчылык террордук актыны чечкиндүү айыптайт жана террордук актыларды актоого болбой турганына жана жараксыз экенине ишенет", - деп айтылат мамлекет башчынын телеграммасында.

Кыргыз Республикасынын Президенти курман болгондордун туугандарына жана жакындарына терең кайгырып көңүл айтуу менен бардык жабыр тарткандардын тез арада сакайып кетишин каалады.

Автор: Автандил Добулбеков