Жети-Өгүз районунун Тосор айылында "Сары кыздын тою" аталышындагы өрүк фестивалы өтөт

Жети-Өгүз районунун Тосор айылында 22-23-июль күндөрү "Сары кыздын тою" аталышындагы өрүк фестивалы өтөт. "Сары кыз" же жаңы бышкан өрүк жай мезгилинде унутулгус даам тартуулайт. Бул мезгилдин урматына өрүк көп өстүрүлгөн Тосор, Тамга, Барскоон, Чоң-Жаргылчак, Кичи-Жаргылчак, Ак-Терек, Жеңиш айылдарында майрамдык фестиваль уюштурулат. Бул тууралуу бүгүн, 6-июлда уюштуруучулар билдиришти.

"Өрүкфест – "Сары кыздын тою" айылдаштарды ынтымакка үндөгөн позитивдүү майрамдын максаты - уникалдуу өрүктү жайылтуу жана айылдардын кооз жерлерин, мүмкүнчүлүктөрүн фестивалдын катышуучуларына тааныштыруу.

Фестивалдын алкагында семинарлар, мастер-класстар өткөрүлүп, көргөзмө, түрдүү сынактар уюштурулат. Өрүктүн сапатын жакшыртуу боюнча идея, соода-сатык жүргүзүү боюнча окуулар да өткөрүлөт.

Автор: Турсунай Алымкулова