15 жыл тараза коюп иштеп, 3 кызын турмушка узатып, балдарын жаңы окуу жылына даярдап жаткан эмгекчил эне (фоторепортаж)

Тагдырдын оор сыноосуна кабылып, ага туруштук бере албай күйүткө алдырып, ичип кеткен адамдар бар. Ал тургай жөндүү турмуш кадамын шилтеп кете албай учурда өз жанын кыйгандар да кездешүүдө.

Бишкек шаарында оор жашоодо жашап, бирок эч кимге даттанбай, бийлик жетекчилеринен жардам сурабай көчөлөрдүн биринде тараза тартып иштеп отурган Асылжан Кыдырбаеванын тагдыры менен тааныштык.

Асылжан айымдын басып өткөн тагдыры, жетишкен ийгилиги он эки мүчөсү соо, бирок кайыр сурап отургандар үчүн сабак болор деген үмүттөбүз.

Асылжан Кыдырбаева Ысык-Көл облусунун тургуну. Ал 57 жашта. Буга чейин 6 уулдуу болуп, бирок балдары бир-эки ай аралыгында чарчап калышкан. Андан соң дагы 4 кыз, 2 уул төрөгөн. Учурда кыздары турмушка чыгып, балдары турмуштан өз ордун таап кетишкен. Маек учурунда эне бактылуу экенин баса белгиледи.

"15 жыл тараза менен иштеп жүрүп 3 кызымды турмушка узаттым. Албетте, бирде тартыш, бирде жетиштүү болот. Эң негизгиси, кайыр сураган жокмун. Балдарым ач, жылаңач калган жок. Жыл сайын кызым каникулда мага жардамдашат. Жайкы каникулда 3 ай бою иштеп, балдарыма сентябрда кийим-кече алып берем", - деп билдирди Кыдырбаева.

Асылжан Кыдырбаева бирөөнүн кол алдындагы жалданма жумушчу эмес экенине шүгүр кылат. Эртең менен үй тиричилигин жасап, саат 11лер чамасында таразасын көтөрүп жумушка келет. Айрым учурларда түнкү саат 23:00гө чейин отурат.

Каарманыбыз жумуш учурундагы кызыктуу окуялар туурасында да ой бөлүштү: "Менин таразам 150 килограмм салмакка чейин көтөрөт. Кээде 150 килограммдан жогорку салмактагы адамдар келип түшүп, таразам көрсөтпөй калган убактар болот".

"Таразага көбүнчө жаштар түшөт. Айрым учурда үй-бүлөлүүлөр эс алып жүрүп баары түшүп кетишет. Ал учурда жакшы иштеп алам. Таразага түшүүнүн баасы 5 сом. Аны да бербей кетип калгандар болот. Жайкы каникулда студенттер айылдарга кетип, жумушум басаңдай түшөт. Антсе да күнүнө кызым экөөбүз 700-750 сом табабыз", - деп кошумчалады Кыдырбаева.

"Кызым экөөбүз иштеген Орозбеков көчөсү Ак үйдүн жанында жайгашкан. Биз менен катар балмуздак, шар жана башка нерселерди сатып отургандарды кээде милиция кызматкерлери башка жакка барып соода кылгыла деп куушат, бирок бизге тийишпейт. Адамдардын көз карашында биз абдан жарды адамдарбыз, бирок терең маанисинде 6 балам бар, мен баймын, мен бактылуу энемин", - дейт таразачы айым.

Апасынан 15 метр ары жакта тараза менен отурган 9 жаштагы Фатиманы да кепке тарттык.

"Апама жардамдашам. Тапкан акчамды апама берем. Ал мага балмуздак, шириндиктерди сатып берет. Мен чоңойгондо дарыгер болом", - дейт Фатима Кыдырбаева.

Автор: Акназар Сулайманкулов
Фото: Акназар Сулайманкулов

17:03 06-07-2016

Жазылуу

РУБРИКАДАГЫ СОҢКУ КАБАРЛАР

09:32 2025-05-16 | Коом жана турмуш

Бишкекте 18-майдан 24-майга чейин бүтүрүүчүлөргө жалпы республикалык тестирлөө өтөт 23 0

09:32 2025-05-16 | Супер-Инфо

Алп актёр Дэйв Батиста 32 0

09:21 2025-05-16 | Кылмыштар, кырсыктар

Акыркы суткада республикада 15 өрт кырсыгы катталды 72 0

09:01 2025-05-16 | Коом жана турмуш

Бишкек бийлиги мектептерде акча чогултууга тыюу салынганын эскертти 194 0

08:48 2025-05-16 | Коом жана турмуш

Жалпы республикалык тестирлөөгө кошумча каттоо жүргүзүлөт 148 0

08:23 2025-05-16 | Коом жана турмуш

Доллардын сомго карата наркы 346 0

Архив

Комментарийлер (15)

Jooshbai

2016-07-06 17:14:01

jakwy tabywat eken. jakwylyktarga jumwawsyn

+10

eduardali

2016-07-06 17:14:20

Аллах раазы болсун. эже сизге Чын ден соолук каалайм.

+12

Palan4a

2016-07-06 17:15:04

Адал ырыскысынын уяты жок! Негизгиси арам тамак эмес!

+18

jurogumdosun

2016-07-06 17:15:51

Иш илгери эже

Apsi

2016-07-06 17:22:26

туура айтасыз!сиз чексиз байсыз,анткени алты баланыз бар!кудай оомин десе бул кундор бир кунчолук да билинбей калат!

+12

KGstan1981

2016-07-06 17:50:38

Жакшы адал жумуш экен.Бирок деген жери бар.Кыздары макул алар турмушка чыгып башка бир уйбулого коз каранды болуп калышат.Ал эми турмушта оз ордуларын тапкан эки уулдарычы эмне у-н алар койун апа 60 жашка барып жатасыз жайда ысстыкта,куздо жаанда кышта суукта олтурбай андан коро неберелеринизди жылуу салкын уйдо карап олтурунуз деп айтышпайбы.Сиз бизди ошончо жашка ч-н бактыныз эми биз сизди багайлык деп айтышпайбы уят.

+12

ainur78007

2016-07-06 23:47:27

KGstan1981,балдарын жаны окуу жылына даярдап деп жазылып турбайбы,демек мектепте окушат экен да мектепте окуса кантип бакмак кичине да

Kroxa

2016-07-07 02:32:14

ainur78007,туура айтасын мектеп жашындагы балдар болсо керек..

Pirimkul

2016-07-06 19:46:06

Сизге чын журогумдон чын ден соолук бакубат узун омур кажыбас кайрат каалаймын эже!!! 6 баланы чонойтуп остуруп окутуп чокутуп оз озунчо кылып коюш коп адамдын колунан келе бербейт. А эркектердин колунан тем более келбейт.

Cesar

2016-07-06 19:58:05

Буюрса тынчылык болуп, аман-эсен Атамекениме барып калсам,Фатиманын таразасына түшүп, акчаны көбүрөөк төлөймүн деп ниет кылдым.

Qnet

2016-07-07 01:56:55

Cesar,а мен ар бир кочодогу таразага тушкум келип калды мындан кийин!Башкасы деле оор турмуштун айынан отурушат да!

nur123456

2016-07-06 20:03:50

Адал тамак эч кимди алдаган жок. Баатыр эне наамын алды бекен? Албаса экоону бериш керек экен

Nurkyz1977

2016-07-06 21:50:11

Эки дуйно бактылуулугун насип этсин. Адал ырыскыдан айрыбасын арам нерселерден сактасын
сиз ото бай адамсыз,ошону менен бирге балдарынызга ыйман,уйуган ынмымак, кетпес доолот,кемибес ырыскы берсин. Аллахым

tashi62

2016-07-06 21:59:56

Адалдан тапкан ак наным ашказанга аш болсун . Азамат эже экен .

nurzada78

2016-07-07 11:53:27

Таразага тушуп алып,акчасын бербей кеткен адамдарды эх уят,уят!

Комментарий калтыруу үчүн өз ысымыңыз менен кириңиз же каттоодон өтүңүз.