Бишкекте жылдын башынан бери 37 мыйзамсыз курулуш сүрдүрүлдү

Бишкекте жылдын башынан бери Жеке турак жай департаменти тарабынан 37 мыйзамсыз курулуш сүрдүрүлдү. Бул тууралуу Бишкек шаардык мериясынын басма сөз кызматы бүгүн, 7-июлда билдирди.

Сүрдүрүү иштери Ленин жана Биринчи Май райондорунун жол тармактарынын өнүктүрүү концепциясын ишке ашыруу максатында жүргүзүлдү.

"Патрис Лумумба көчөсү боюнча 9 курулуш, Көлмө конушунда 2, Баррикадная көчөсүндө 2, Луговая көчөсүндө 1, Тойгонбаев көчөсүндө 15, Астраханская көчөсү боюнча 8 курулуш сүрдүрүлдү", - деп айтылат маалыматта.

Автор: Үмүт Абдраимова
Фото: Бишкек шаардык мэриясы