Бишкектин борбордук көчөсүнө орнотулчу Сүймөнкул Чокморовдун эстелигинин үлгүсү жарыяланды

СССРдин Эл артисти, кыргыздын улуу актёру, залкар сүрөтчүсү Сүймөнкул Чокморовдун эстелиги Бишкектин борборуна орнотула турганын мэриянын маалымат кызматы билдирип, эстеликтин үлгүсүн жарыялады. Актёрдун айкели Чүй кең көчөсү менен Тыныстанов көчөлөрүнүн кесилишине, "Ала-Тоо" кинотеатрынын чыгыш тарабындагы скверге коюлат.

Белгилей кетсек, актёр жана сүрөтчү Сүймөнкул Чокморов 1939-жылы 9-ноябрда Чүй өрөөнүндөгү Аламүдүн районунун Чоң-Таш айылында туулган. Ал Кыргыз ССРинин Эл артисти, СССРдин Эл артисти, Кыргыз ССРинин Эл сүрөтчүсү, төрт жолку Кинематографисттер биримдигинин "Эркектин эң мыкты ролу үчүн" дипломунун ээси жана Кинематографисттер, Сүрөтчүлөр биримдигинин мүчөсү жана эки жолу Кыргыз ССРинин Жогорку Кеңешинин депутаты болгон.

Сүймөнкул Чокморовдун артында 400дөй живопись эмгектери жана 20 тасмада жараткан эң мыкты образдары калган. Анын негизги сүрөт чыгармалары Кыргыз мамлекеттик искусство жана сүрөт музейинде сакталган.

Чокморов 1992-жылы 26-сентябрда 53 жаш курагында узак оорудан көз жумган.

Автор: Турсунай Алымкулова

17:00 15-07-2016

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 636 0

00:36 2025-05-16 | Түркүн дүйнө

Франция Иранды Эл аралык сотко берет 509 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 413 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 1292 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 859 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 655 0

Архив

Комментарийлер (7)

Patriot..kg

2016-07-15 17:04:49

Жакшы

Azizbek.kg8

2016-07-15 19:17:37

Жакты

aianaaiana

2016-07-15 20:39:56

Колду чөнтөктөн чыгарып жасаса болбойбуболбойбу эч бир эстелик көрбөдүм колун чөнтөккө салганын

Jyrgal_msk

2016-07-15 23:15:00

Анча окшошпой калыптыр.

zarlyk2211

2016-07-16 04:45:09

Эң жакшы, бирок жашыраак кезинин элесин жасашса жакшы болмок.

Labadax

2016-07-16 08:44:29

Мен кубанычтамын С Чокморов агабыздын айкелин жасап тургузса.Бирок бул жасаганы окшошбой калыптыр.Эптеп колдон отор жасабай,жакшы берилип жасоо керек.

abusait

2016-07-16 09:14:29

Окшобоптур. Фото суротундо чыныгы кыргызды жузу олуттуу коз карашы даана корунуп турат. Мындай айкелдин таптакыр кереги жок деп ойлойм.

Комментарий калтыруу үчүн өз ысымыңыз менен кириңиз же каттоодон өтүңүз.